Federico di Francesco ka reaguar pas incidentit të tij me sulmuesin e Juventusit, Douglas Costa.
Braziliani u përjashtua me karton të kuq në ndeshjen ndaj Sassuolos pasi e pështyu kundërshtarin.
Së fundmi, raportohej se italiani e kishte fyer në baza racore duke zgjuar reagimin nga Costa.
Por, futbollisti i Sassuolos ka dhënë versionin e tij të ngjarjes.
“Jam i pakënaqur me akuzat dhe lajmet e publikuara së fundmi në media”, deklaroi ai.
“Është ofenduese ndaj meje. Më janë atribuar akuza për fjalë raciste që nuk i takojnë vlerave të mia etike dhe janë fryt i imagjinatës së tjerëve. Kërkoj respekt”, u shpreh Di Francesco.