Arsenali do ta konkurrojë Romën dhe Interin për shërbimet e futbollistit të Portos, Hector Herrera.
Klubi portugez kërkon 40 milionë euro për shërbimet e tij, mirëpo deri në afatin e ardhshëm kalimtar, çmimi mund të zvogëlohet.
Në Itali, për meksikanin 28-vjeçar interesohen Roma dhe Interi, të cilët qe një kohë po e monitorojnë situatën e tij.
Në ndërkohë, Real Madridi, Barcelona dhe Paris Saint-Germaini janë klubet tjera që i duan shërbimet e mesfushorit.
Ndërsa, sipas Daily Mirror, tash është përfshirë në garë edhe klubi anglez, Arsenal.
Kontrata e Herreras me Porton skadon në verën e vitit 2019, ashtu që këto klube janë duke përgatitur oferta për afatin e janarit.
Përndryshe, në afatin kalimtar të qershorit, ai mund të largohet me parametrat zero.
