Analisti politik Vigan Qorrolli, një periudhë edhe gazetar sportiv, ka humb nervat, duke atakuar ashpër drejtuesit e klubit të futbollit Ferizajt, sidomos pas humbjes me rezultat 2:0 nga Feronikeli nga Drenasi, në ndeshje e javës së katërt të IPKO Superligës së Kosovës. Qorrolli godet ashpër kryesinë e klubit se me fajin e tyre skuadra ka nisur përgatitjet shumë me vonesë po ashtu edhe përforcimet janë bërë me vonesë.
“Mbi 400 mije euro shpenzime vjetore për KF Ferizajn, dhe tabela e Superligës tregon që ndodhemi në vendin e parafundit në tabelë.
Mbi 15 përforcime, lojtarë eminent demek, plus kryetrajneri, derisa forma e klubit është e barabartë me zero.
Kjo tregon se sa krizë menaxhimi ka klubi, për faj të njerëzve që s’kanë haber me futboll dhe shërbejnë si dekor në stadium.
Jeni të gërditshëm. Vendi i parafundit është turp për qytetin tonë — Ferizaj. Fajin e keni Ju dhe të gjithë ata që ju durojnë — sepse as ata as ju s’kini fije marifeti për futboll”, shkruan Qorrolli në profilin e tij në facebook.