Mediat italiane kanë zbuluar sot një prapaskenë mjaft interesante që lidhet me yllin portugez Cristiano Ronaldo, i cili u transferua këtë verë te Juventusi.
Është La Republica e cila shkruan se përveç Napolit, të cilit i ishte ofruar portugezi, në garë për CR7 ishte edhe Milani.
Fasone dhe Mirabeli kishin shfrytëzuar marrëdhëiet e mira me agjenti Jorge Mendez, dhe në heshtje po punonin që ta arrinin këtë transferim të bujshëm që nga viti i kaluar.
Negociatat mbetën të hapura edhe gjatë këtij viti, por në fund, fakti që kuqezinjtë nuk ia dolën të kualifikohen në Champions League dhe problemet e shumta me shoqërinë kineze, bënë që kjo alternativë e merkatos të binte poshtë.
Gjithsesi duhet thënë se edhe me kalimin e Ronaldos te Juventusi, Milani përfitoi disi, pasi arriti të marrë në Milano Gonzalo Higuainin, një bomber që premton gola të shumtë për kuqezinjtë, të cilët kanë vuajtur për numra 9.