Klubi londinez nuk ka mundur që t’i përfundojë në afat punimet në ndërtimin e stadiumit të ri.
Te Tottenham u ishte premtuar tifozëve se sezoni 2018/2019 do i gjente ata në shtëpinë e re. Por, siç ndodh shpesh në të tilla projekte, afatet jo gjithmonë respektohen.
Drejtori i klubit londinez Daniel Levy ka lidhur një kontratë të re me federatën angleze, që ka në pronësi stadiumin Wembley, ku skuadra e tij luajti gjatë të gjithë sezonit të shkuar.
Ekipi nga Londra e veriut pritet të luajë në Wembley deri në muajin janar dhe jo siç ishte parashikuar që në mesin e shtatorit të zhvillonte ndeshjen me Liverpoolin në stadiumin e ri.
Tottenham e ka nisur me fitore edicionin e ri të Premier Ligës, duke triumfuar 2-1 si mysafir i Newcastle United.