Mesfushori kroat kishte insistuar të largohej nga Real Madridi gjatë këtij afati kalimtar.
Mateo Kovaçiqit iu plotësua dëshira nga ana e Realit, pasi kërkonte të largohej me çdo kusht nga Santiago Bernabeu, në një skuadër ku do të kishte më shumë hapësira për lojë.
Kësisoj 24-vjeçari u huazua për një vit te Chelsea në Premier Ligë dhe vetë futbollisti ka treguar se është i lumtur për aventurën e re që do ta nisë në Angli.
“Jam i emocionuar dhe njëkohësisht i gëzuar që erdha tek Chelsea. Është një ndjenjë fantastike”, ka thënë Kovaçiq.
“Do të jap më të mirën për këtë klub. Është një kampionat i ri për mua dhe fillimi asnjëherë nuk është i lehtë, por unë jam i bindur se trajneri dhe bashkëlojtarët e ri do të më ndihmojnë të adaptohem sa më shepjtë”, ka theksuar ai.
Kujtojmë se Kovaçiq është i huazuar për një vit te “Blutë”, por këta të fundit nuk e kanë të drejtën ta blejnë në fund të stinorit.
