Gelson Martins një nga talentet më të mëdhenj të futbollit portugez në këto vitet e fundit është zyrtarisht lojtari më i ri i Atletico Madridit. 23-vjeçari ka firmosur për pesë vitet e ardhshme me Los Colchoneros.
Një biznes i shkëlqyer ky për Atleticon që merr pa shpenzuar asnjë qindarkë një lojtar të shkëlqyer që në afatin kalimtar vlen minimalisht 40 milionë euro.
Anësori i djathtë ofensivë, lindur në Kepin e Gjelbër, është rritur si futbollist te Sportingu i Lisbonës, ku në dy sezonet e fundit ka shkëlqyer, por pas fundsezonit skandaloz, me agresionin ndaj futbollistëve, kërkoi prishjen e kontratës me gjyq.