Liverpool ka bërë një ofertë për të marrë Thomas Strakosha nga Lazio, duke qenë se nuk mund të konkurrojë me Real Madrid për blerjen e Alisson nga Roma dhe gjithashtu ka hequr dorë nga Gigio Donnarumma i Milan.
Ka shumë mundësi që portieri i kombëtares shqiptare të jetë zëvendësuesi i Loris Karuis.
Pas gabimeve trashanike në finalen e Champions League, Liverpool e ka vënë blerjen e portierit në krye të listës së prioriteteve të merkatos së verës.
Alisson dhe Donnarumma kushtojnë të paktën 70 milionë euro, ndërsa kundrejt 40 milionë eurove Lazio mund të pranojë shitjen e Strakoshës. Klopp ka dhënë “ok” për blerjen e portierit të kombëtares shqiptare.
Lajmin e ka bërë të ditur “Sportitalia” që kujton se 23-vjeçari ka një kontratë deri në vitin 2022 me Lazio. Ai e ka ruajtur rrjetën të paprekur në 17 nga 53 ndeshjet që ka luajtur në Serie A, gjatë karrierës së tij.
