Gjithçka që duhet të dini nga ndeshja e parë e Botërorit… - Bota Sot
Gjithçka që duhet të dini nga ndeshja e parë e Botërorit…

Botërori 2018

E mërkurë, 20 qershor 2018

Gjithçka që duhet të dini nga ndeshja e parë e Botërorit…

Më: 14 qershor 2018 Në ora: 00:11
Foto ilustrim

– Arabia Saudite ka fituar të vetmen përballje me Rusinë, në miqësoren e luajtur mes tyre në tetor 1993, me rezultatin 4-2, zhvilluar në Arabi…

– Rusia dhe Arabia janë vendet me klasifikimin më të ulët të FIFA-s nga të gjitha ekipet pjesëmarrëse në “Rusi 2018”. Rusia është e 70-ta, Arabia e 67-a.

– Që kur ka ndodhur shpërbërja e Bashkimit Sovjetik, Rusia nuk ka arritur kurrë të kalojë fazën me grupe të Kupës së Botës në tre pjesëmarrje të mëparshme në vitet 1994, 2002 dhe 2014. Ata janë renditur në vendin e tretë në secilën prej këtyre veprimtarive.

– Franca ka qenë vendi i fundit organizator që ka fituar Kupën e Botës. Me përjashtim të Afrikës së Jugut në vitin 2010, të gjitha ekipet mikpritëse kanë shkuar në raundin e dytë të botërorit.

– Rusia nuk ka fituar asnjë nga pesë ndeshjet e fundit që ka luajtur në një Kupë të Botës me dy barazime dhe tre humbje. Të vetmet dy fitore, si shtet i pavarur nga pjesa tjetër e Bashkimit Sovjetik i ka arritur ndaj Kamerunit, 6-1 në vitin 1994 dhe ndaj Tunizisë, 2-0 në vitin 2002.

– Nëse luan, si ka shumë mundësi të ndodhë, Sergei Ignashevich do të bëhet futbollisti më i vjetër që përfaqëson Rusinë në një Kupë të Botës, 38 vjeç e 335 ditë, duke thyer rekordin e Lev Jashin, i cili luajti ndeshjen e fundit në një botëror kur ishte 36 vjeç e 279 ditë.

– Ky do të jetë botërori i pestë për Arabinë Saudite, i pari që nga viti 2006. Në tre pjesëmarrjet e fundit, ata e kanë mbyllur grupin në vendin e fundit.

– Arabia Saudite nuk ka fituar asnjë nga dhjetë ndeshjet e fundit në një Kupë Bote, duke humbur tetë prej tyre. Fitorja e fundit daton në vitin 1994, 1-0 ndaj Belgjikës.

– Arabia nuk ka fituar asnjë nga katër ndeshjet e saj të para në një Botëror, duke humbur tre prej tyre.

– Arabia ka luajtur në total 13 ndeshje të vlefshme për Kupën e Botës dhe vetëm në një prej tyre nuk ka pësuar gol, ndërsa në shtatë nga nëntë ndeshjet e fundit nuk ka shënuar gol.

– Arabia Saudite ka humbur tetë nga nëntë përballjet me ekipe europiane në kupën e Botës, fitorja e vetme është ajo historike ndaj Belgjikës, 1-0 në vitin 1994, me golin e paharrueshëm nga Saeed Al-Owairan.

– Mohammed Al-Sahlawi ka qenë golashënuesi më i mirë i Arabisë në eliminatore me 16 gola, edhe pse 8 prej tyre kanë ardhur në dy ndeshjet ndaj Timorit.

Komentet
comments powered by Disqus
Sot mund të lexoni Shfletoni kopertinat
Sondazh
test