Ronaldo Nazario, ikona e “Nike”, hapi kutinë e markës sportive në një park qendror në Moskë.
Ai foli për mundësitë e kombëtares së vendit të tij në Kupën e Botës së kësaj vere, që starton të enjten.
“Është koha për ne që të fitojmë. Duhet ta marrim Kupën e Botës përsëri në Brazil”, shtoi ai.
Pesë herë kampionët e Botës e kanë fituar këtë trofe të shumëlakmuar për herë të fundit në vitin 2002.
Legjendja braziliane, gjithashtu, tregoi se favoritët e tjerë për të triumfuar në Rusi, kësaj vere, sipas tij, janë: “Gjermania, që është gjithmonë e fortë, dhe Spanja. Përveç tyre, unë përfshij Argjentinën e Messit dhe Francën, dy ekipe që mund t’i shkojnë deri në fund garës”.