Labinot Osmani prej sulmuesve më të mirë në vendin tonë, e ndjen veten të dëshpëruar nuk e realizuan ëndrrën me klubin e futbollit Vushtrria, që të rikthehen në shoqërinë e më të mirëve. Vushtrria pësoi humbje me penallti me 6:5 nga Flamurtari i Prishtinës, në ndeshjen e barazhit, e cila në kohën e rregullt dhe pas vazhdimeve përfundoi baras (1:1).
“Në emër tim dhe të gjithë bashkëlojtarëve dëshiroj t’ju falënderoj për përkrahje të madhe qytetit të Vushtrrisë dhe tifozerisë ‘Forca’, njëkohësisht ju kërkojmë ndjesë për mos realizimin e ëndrrës tonë dhe tuajën për inkuadrim në Superligë”, tha Osmani.
