Lënia jashtë listës së Botërorit të mesfushorit të Romës, Radja Naingolan, shokoi të gjithë opinion sportiv.
Në një prononcim për mediat, trajneri i Belgjikës, Roberto Martinez, sqaroi se ishte një zgjedhje taktike.
Martinez foli gjithashtu edhe për përfshirjen e mesfushorit shqiptar, Adnan Januzaj në listën paraprake.
“Naingolan është një lojtar i fortë. Por vendimi është për arsye taktike. Në dy vitet e fundit ekipi ka punuar në një mënyrë specifike dhe janë lojtarë të tjerë që i kanë ato role. Januzaj? Ne e dimë potencialin që ka. Ai është një lojtar që mund të ndihmojë shumë ekipin në mënyrën se si ne duam ta ndërtojmë lojën tonë”, u shpreh trajneri i Belgjikës, Martinez.