Fabio Coentrao ka refuzuar ftesën e kombëtares Portugeze për Botërorin Rusi 2018.
Arsye për këtë ka qenë forma jo e mirë e lojtarit, diçka të cilën e ka konfirmuar edhe vet futbollisti në pronësinë e Real Madridit nëpërmjet një postimi në rrjetet sociale.
”Në javën e kaluar, pas shumë konsideratave, i thash jo kombëtares pasi nuk ndjej se jam në kushtet e nevojshme për të përfaqësuar Portugalinë në një kompeticion aq kërkues sa Kupa e Botës. Asnjëherë nuk do të bëj diçka kundër vendit tim dhe shpresoj të mundem t’a përfaqësoj kombëtaren akoma më shumë në të ardhmen. Deri atëherë unë jam dhe do të mbetem gjithmonë një tifoz nga jashtë dhe njëri prej jush nga brenda. Fat të mbarë Portugali." deklaroi ai.
