Milani nuk arriti ndaj Atalantas më shumë se një barazim 1-1 në stadiumin Atleti Azzurri d’Italia.
Vendasit ishin dukshëm më të mirë, por nuk u treguan konkret para portës kundërshtare.
Pjesa e parë ishte pa gola, ndërsa shansin më të mirë e kishte Bryan Cristante në minutën e 41-të. Goli i vetëm në takim erdhi nga Franck Kessie në minutën 60-të.
Në vazhdim të dy skuadrave iu përjashtua nga një lojtar, për vendasit ishte Rafael Toloi (64′), kurse për mysafirët Riccardo Montolivo (75′). Në minutat e fundit Atalanta tentoi disa herë për golin dhe e gjeti në minutën e 91-të, autor Andrea Masiello.
Pas këtij barazimi Milani vazhdon në vendin e gjashtë me 61 pikë, kurse Atalanta një pikë më pak në vendin e shtatë.
Në xhiron e fundit në Serie A, Milani luan ndaj Fiorentinës, kurse Atalanta ndaj Cagliarit.
Pas këtij barazimi kuqezinjtë kanë siguruar kualifikimet për fazën e grupeve në Ligën e Evropës, por i duhet fitorja për të luajtur drejt e në grupe.
Atalanta shpreson që Milani të humbas, ose të barazojë dhe ata të fitojnë dhe kështu të shkojnë direkt në fazën e grupeve pas një fitore të mundshme të tyre.
