Rrugëtimi i Milanit drejt Europës do të ketë sot një pengesë si Atalanta.
Duhet kapërcyer pikërisht kjo sfidë për të hedhur më shumë dritë mbi fatin që i pret kuqezinjtë në sezonin e ardhshëm.
Etrit Berisha me shokë ka objektiv të njëjtë më miqtë.
Pikërisht shqiptari është një vështirësi shtesë për sulmuesit e Gatuzos, të cilët gjatë sezonit aktual kanë pasur një marrëdhënie të vështirë me portat rivale.
Në gjashtë ndeshjet e fundit, skuadra e drejtuar nga Gasperini nuk ka pësuar humbje dhe një meritë u shkon paraqitjeve të 29-vjeçarit të lindur në Prishtinë.
Shtatë ndeshje pa disfatë, Atalantës i mungon që prej marsit të vitit të kaluar dhe në 14 muaj distancë bergamaskët do të kërkojnë përsëritjen e rekordit të një kampionati më parë. Përballë Berisha do të ketë Kutronen të shoqëruar nga Suso dhe Çalhanoglu, me këtë të fundit që në ndeshjet e fundit ka mposhtur disa homologë të portierit të Kombëtares shqiptare.
Në nëntë transfertat e fundit në kampionat Milani ka mundur gjithmonë të gjejë rrugën e rrjetës, duke mos pësuar humbje në gjashtë nga tetë të fundit. Kjo është një tjetër statistikë, që Berisha së bashku me kolegët e repartit do të mundohet të ndërpresë sot në ora 18.00, ku në stadiumin “Atleti Azzurri” pritet të mos ketë asnjë vend bosh dhe ndonjë flamur shqiptar.