Robben do të vazhdojë ta veshë fanellën e Bayernit edhe sezonin 2018/19.
Bayern Munich ka bërë të ditur se Arjen Robben dhe Rafinha, të cilët ishin në vitin e fundit të kontratës, do të vazhdojnë të jenë pjesë e klubit edhe sezonin e ardhshëm.
Ata kanë nënshkruar kontratë njëvjeçare, ashtu si Franck Ribery ditë më parë.
34 vjeçari, Robben, është pjesë e Bayernit që nga viti 2009, me të cilën skuadër ka fituar tituj të shumtë duke bërë 289 paraqitje, teksa ka realizuar 138 gola.
Kurse mbrojtësi Brazilian, 32 vjeçari Rafinha, u transferua në Bayern në vitin 2011 nga Genoa, duke bërë 238 paraqitje deri më sot me klubin gjerman, derisa ka shënuar edhe 5 gola.