Ylli i Arsenal rikthehet në stërvitje pas 17 muajsh larg fushave

Futboll

Ylli i Arsenal rikthehet në stërvitje pas 17 muajsh larg fushave

Më: 26 prill 2018 Në ora: 22:09
Santi Cazorla

Santi Cazorla ditën e enjte ishte në fushën  Emirates për të zhvilluar një seancë të lehtë stërvitore në prag të gjysmëfinales së Eruopa League ndaj Atletico Madrid.

Mesfushori spanjoll herën e fundit që ka luajtur për klubin ka qenë në tetor të 2016 dhe që prej asaj kohe ka qenë në infermieri.

33-vjeçari i është nënshtruar disa operacioneve në kaviljen e djathtë dhe ka humbur tetë centimetra nga tendina, teksa një infeksion rrezikoi të amputonte këmbën.

Një tjetër dëmtim në janar ka vonuar rikthimin e spanjollit por mesa duket tani është në rrugën e duhur për t’u riaftësuar 100%.

Ai është stërvitur me një pjesëtar të stafit të Arsenal dhe përveç stërvitjes atletike ka bërë edhe disa ushtrime me topin në këmbë.

Një lajm që do të ketë kënaqur së tepërmi tifozët e ekipit londinez.

commentFirst article
Sot mund të lexoni Shfletoni kopertinat