Mbrojtësi shqiptar po pëlqehet nga klubet më të mëdha angleze.
Elseid Hysaj po kalon një tjetër sezon fantastik në skuadrën e Napolit, dhe 50 milionë euro, që është edhe klauzola e largimit të tij, mund t’i paguajë pa problem çdo klub i madh evropian.
Menaxheri i Hysajt, Mario Giuffredi, sipas mediave italiane, ditët e fundit ka udhëtuar drejt Anglisë, ku ka organizuar disa takime me përfaqësues të Chelseat, të cilët po këmbëngulin për kartonin e klientit të tij shqiptar.
Giuffredi u ka shpjeguar londinezëve se për 24-vjeçarin nga Shkodra janë shumë të interesuar Manchester United dhe Liverpooli.
Sigurisht që bëhet fjalë vetëm për takime mes menaxherësh, pasi për momentin Hysaj është i përqendruar në fundin e këtij sezoni me Napolin.
Pas përfundimit të sezonit, duket qartë se do të ketë një garë të ashpër të klubeve angleze, për të siguruar transferimin e mbrojtësit shqipta r në Premier Ligë.