Mbrojtësi i Liverpoolit, Virgil Van Dijk thotë se nuk ka frikë nga Edin Dzeko i Romës.
“The Reds” dhe romakët do të përplasen në gjysmëfinalen e Ligës së Kampionëve. Van Dijk e pranon se Roma është skuadër e mirë, por ai nuk ka frikë nga asnjë lojtarë i skuadrës italiane.
“Unë nuk kam luajtur kundër Dzeko më parë, por të gjithë e dimë rezultatin e tyre kundër Barcelonës”, ka thënë Van Dijk për mediet britanike, raporton RTKLive.
“Ata janë ekip shumë i mirë. Ne e dimë se ata kanë shumë cilësi, por nuk kam frikë nga askush”.
“Unë e di se ata janë një ekip i madh dhe ne duhet të jemi të gatshëm. Ne luajmë një stil ndryshe nga Roma”, përfundoi Van Dijk.