Kosova ka pasur një armatë të madhe të sportistëve të dëshmuar në vitet e 80-ta dhe që ende përmenden për lojërat e tyre. Një treshe gjilanase që nuk harrohet dhe kujtohet ende nga gjeneratat e vjetra, janë edhe Naser Bunjaku, Nehat Osmani dhe Muharrem Sahiti.
Kjo treshe ka qenë prej më të mirëve në vitet e 80-ta dhe kishin luajtur në petkun e ish Cërvena Zvezdës së Gjilanit, që garonte në Ligën e Dytë ish Jugosllave në grupin e Lindjes. Muharrem Sahiti një periudhë luajti edhe për Prishtinën në ish Ligën e Parë Federative, kurse Naser Bunjaku e Nehat Osmanin kanë qenë të spikatur apo truri i ekipit të asja kohe.