Luis Enrique do të donte ta merrte Lionel Messin në Premier League, nëse ai do të emërohet si trajner i Arsenalit, sipas “Express”. Trajneri spanjoll ka një marrëdhënie të shkëlqyeshme pune me superstarin argjentinas, që nga koha e tyre së bashku në Barcelonë dhe shpreson se kjo do ta ndihmojë t’i vendosë “topçinjtë” në krye. Kuptohet, nëse Messi vendos të largohet nga “Camp Nou”.
Arsene Wenger njoftoi dje se do të largohet nga Arsenali në fund të sezonit, pas 22 vitesh në këtë klub. Dhe një nga kandidatët e parë për të zëvendësuar francezin në “Emirates” do të jetë Enrique. Ky i fundit ka qenë pushim që nga vera e kaluar, kur u largua si trajner i Barcelonës, me të cilën kishte fituar tetë trofe, duke përfshirë edhe një “tripletë” në vitin 2015.
Spanjolli është i gatshëm të kthehet në futboll dhe “Daily Mail” thotë se 47-vjeçari është në prag të marrjes në dorëzim të Arsenalit. Dhe në lajmet për të kënaqur tifozët e Arsenalit, thuhet se marrëdhëniet e Enrique me Messin do të thonë se “topçinjtë” do të ishte në një pozicion të shkëlqyeshëm për të nënshkruar me superstarin e Argjentinës.
Në nëntor, Messi nënshkroi një kontratë të re, duke zgjatur atë deri më 2021, me një klauzolë lirimi prej 700 milionë euro. Luis Enrique e do Premier League, gjithmonë ka dashur të luajë në Angli dhe atje sheh gjëra, që nuk i ka parë në Spanjë, sidomos marrëdhëniet me tifozët dhe se si tifozët lidhen me lojën.
