Mbrojtësi i Chelsea-t Marcos Alonso është akuzuar me sjellje të dhunshme nga Federata Angleze e Futbollit për ndërhyrjen e tij të frikshme ndaj Shane Long në fitoren 3-2 të Bluve ndaj Southampton.
Alonso u duk të bënte një ndërhyje të rëndë ndaj Long në pjesën e parë teksa skuadra e tij po humbiste me rezultatin 2-0.
Spanjolli tani rrezikon të humbasë gjysmëfinalen e FA Cup ndaj të njëjtit kundërshtar në Wembley të dielën nëse akuzat nuk hidhen poshtë.
Akoma nuk është konfirmuar nëse klubi londinez do ta apelojë akuzën e FA, por me shumë mundësi mbrojtësi mund të dënohet 2-3 ndeshje për atë ndërhyrje.
Ai ka kohë deri të mërkurën në orën 18:00 për t’u përgjigjur.
