Mesfushori i Chelseat, Cesc Fabregas e ka pranuar se skuadra e tij nuk mund ta mbyll sezonin në mesin e katër skuadrave të para në Premier Ligë.
Barazimi i “Bluve” të Londrës fundjave e kaluar kundër West Hamit (1:1), ka zvogëluar gjasat që Chelsea të siguroj një vend që çon në Ligën e Kampionëve.
Spanjolli thotë se qysh tash skuadra e tij duhet të mendoj për edicionin e ardhshëm.
“Duket shumë vështirë të arrihen katër të parat. Por, ne tani duhet të mendojmë për sezonin e ardhshëm”, ka thënë Fabregas.
Chelsea aktualisht renditet e pesta më 57 pikë, dhjetë më pak se Tottenham që është e katërta.
