Në minutën e 59-te, Blerim Xhemaili, shënoi për fitoren e Zvicrës me rezultat 1:0 kundër Greqisë, në miqësoren e futbollit që u luajt në Selanik.
Ka qenë ndeshje e mire dhe për selektorët që të shohin formën e lojtarëve sidomos ai i Zvicrës, Vlladimir Petkoviq.
Në pjesën e parë dy skuadrat luajtën në mënyrë të kujdesshme dhe nuk kishte ndonjë rast të mirë shënimi.
Kësisoj 45 minutat e parë përfunduan ashtu siç filluan me rezultat të bardhë 0-0.
Por me të filluar pjesa e dytë, Zvicra arriti të shënoj golin e epërsisë.
Ishte mesfushori shqiptar i Bolognes, Blerim Xhemaili që shënoi një gol të jashtëzakonshëm me gërsherë pas asistimit nga Haris Seferovic.
Në këtë takim për Zvicrën nga minuta e parë u paraqitën tre futbollistë shqiptarë.
Granit Xhaka dhe Blerim Xhemaili luajtën gjatë gjithë ndeshjes, ndërsa Valon Behrami u zëvendësua në minutën e 61.
Ndeshjen e radhës Zvicra e luan përsëri miqësore katër ditë më vonë ndaj Panamasë.