Për herë të parë në historinë e pasluftës, Anglia nuk do të ketë përfaqësues të arbitrave në Kupën e Botës, që mbahet në Rusi gjatë kësaj vere.
Mark Clattenburg ishte përfshi në grupin e të parazgjedhurve të hartuar nga FIFA në vitin 2016, dhe ishte përfshi në trajnimin për turneun në Rusi, por ai u largua nga Premierliga dhe shkoi në Arabinë Saudite.
Duke folur për “Sky Sport”, shefi i gjyqtarëve anglez, Mike Reily tha se kjo është një zhgënjim, pasi nuk kishte asnjë mundësi për ta zëvendësuar Clattenburgin.
“Është një zhgënjim, sepse ne jemi krenarë për ndeshjet ndërkombëtare që gjyqtarët tanë kanë pasur këto vitet e fundit. Nëse ju shikoni këto 10 vitet e fundit, asnjë vend nuk ka qenë më i suksesshëm se Anglia”, ka thënë Riley.
“Mark ishte përfshi në listën e gjatë të cilët u përzgjodhën për përgatitje në Kupën e Botës. Në kohën kur ai u largua për në Arabinë Saudite, nuk kishte konkurs për të trajnuar gjyqtar, prandaj nuk kishim mundësi për ta zëvendësuar atë”, përfundoi shefi i gjyqtarëve të FA-s.
Anglia ka një histori krenare sa i përket turneve ndërkombëtare; Howard Webb ishte përgjegjës në finalen e madhe të Kupës së Botës në vitin 2010 midis Spanjës dhe Holandës. Për të mos i harruar edhe: Jack Taylor (1974), William Ling (1950) dhe George Reader (1950).
Clattenburg gjithashtu ishte gjyqtari kryesor i finales së madhe të Euro 2016, mes Francës dhe Portugalisë.
Riley është i bindur se shokët e tij, Michael Oliver dhe Anthony Taylor do të ketë shanset e tyre të arta për turnet e mëdha në të ardhmen.
