“Messi dhe Ronaldo, diferenca në Champions League”

Futboll

“Messi dhe Ronaldo, diferenca në Champions League”

Më: 17 mars 2018 Në ora: 15:34
Cristiano Ronaldo dhe Lionel Messi

Skuadrat që kanë Mesin dhe Ronaldon gjithmonë janë favorite, thotë Ancelotti.

Dy ekipe spanjolle përballë dy ekipeve italiane. Shorti i Champions League ka hedhur Romën përballë Barcelonës e Juventusin përballë Real Madridit.

Për Carlo Ancelottin, klubet spanjolle janë favorite për të kaluar tutje, por edhe për t’i shkuar në fund kësaj gare, për faktin se në skuadrat e tyre kanë lojtarë si Cristiano Ronaldo dhe Lionel Messi.

“Është e qartë se ndeshjet në Ligën e Kampionëve vendosen nga detaje të vogla dhe vendime të vogla të gjyqtarëve janë të mjaftueshme për ta rrëzuar një skuadër”, tha Ancelotti.

“Madridi dhe Barcelona janë favorite për shkak të eksperiencës dhe sepse kanë në skuadër Ronaldon dhe Messin”.

“Juventusi dhe Roma nuk janë favorite, kjo tashmë dihet sepse ato do të përballen me dy skuadra të fuqishme evropiane, por i kanë shanset e tyre”, theksoi mes tjerash Ancelotti.

Sot mund të lexoni Shfletoni kopertinat