Sulmuesi nga Kosova, Besart Berisha, i gëzohet fort triumfit të skuadrës së tij, Melbourne Victory, për shkak se kanë shtuar dukshëm gjasat për të siguruar një vend në të tetën e finales në Asia Champions League. Skuadra australiane Melbourne Victory si vendas triumfoi me rezultat minimal 1:0 ndaj japonezëve, Kawasaki Frontale, në ndeshjen e xhiros së katërt të grupit F.
Berisha luajti deri në minutën e 70-të, dha maksimumin dhe doli ballëlart, kurse Barbarouses realizoi golin e fitores në minutën e fundit. Shanghai (Kina) kryeson me 10 pikë, i përcjellë nga Ulsan (Koreja e Jugut), Melbourne Victory me nga pesë pikë dhe në fund është Kawasaki me një pikë.