(E plotësuar)- Manchester City ka vazhduar me paraqitje fantastike në Premierligë, duke mposhtur në udhëtim Stoke Cityn me rezultat 0:2
Skuadra e Pep Guardiolas ka shënuar fitore 2:0 ndaj Stoke Cityt në udhëtim, duke iu afruar titullit të Premierligës në vetëm tetë pikë.
Të dy golat në fitoren e “Citizen” i ka shënuar mesfushori spanjoll, David Silva, me dy asistime të Raheem Sterling.
Në këtë ndeshje për 90 minuta luajti Xherdan Shaqiri, i cili kishte paraqitje shumë të mirë.
Pas kësaj fitoreje, Manchester City kryeson kampionatin më 81 pikë, 16 më shumë se sa Manchester City në vendin e dytë.
Silva nuk ka të ndalur, shënon tjetër gol për Cityn
Manchester City është duke fituar 0:2 ndaj Stoke Cityt në udhëtim, me të dy golat e shënuar nga mesfushori spanjoll, David Silva, në të dy rastet i asistuar nga Raheem Sterling
Shaqiri turpëron futbollistin e Cityt
Xherdan Shaqiri ka dhuruar show në ndeshjen që po zhvillohet ndaj Manchster Cityt
Ylli i Stoke Cityt, Xherdan Shaqiri ka turpëruar mbrojtësin e majtë të Manchester Cityt, Zinchenko, të cilin e ka kaluar duke ia vendosur topin ndër këmbë.
Ky veprim i kosovarit ka zgjuar tifozët e Stoke, skuadër e cila po mposhtet 0:1 nga City.
City në epërsi, shënon Silva
Manchester City ka kaluar në epërsi ndaj Stoke Cityt.
Është David Silva që ka shënuar për 0-1 në minutën e 10’.
Silva shënoi pas një asistimi të pranuar nga Sterling.
Formacionet zyrtare: Stoke City – Manchester City
Janë publikuar formacionet zyrtare të ndeshjes së fundit për xhiron e 30’të në Premierligë, Stoke City – Manchester City.
Ky takim luhet në stadiumin “Bet365” nga ora 21:00
Stoke: Butland; Bauer, Zouma, M. Indi, Stafylidis; Badou, Cameron, Allen; Shaqiri, Jese, Choupo-Moting.
Manchester: Ederson, Walker, Kompany (C), Otamendi, Zinchenko, Fernandinho, Silva, De Bruyne, Sterling, Sane, Jesus.