Coutinho dhe Willian, si dhe 3 debutues në “Selecao” - Bota Sot
Coutinho dhe Willian, si dhe 3 debutues në “Selecao”

Futboll

E shtunë, 22 shtator 2018

Coutinho dhe Willian, si dhe 3 debutues në “Selecao”

Më: 12 mars 2018 Në ora: 19:57
Sulmuesi i real Sociedad Uillian Zhoze dhe mesfushori i Beshiktashit, Anderson Taliska fituan besimin e seleksionerit Tite.

Dy prej mesfushorëve më në formë të momentit Kutinjo dhe Uillian, si dhe 3 debutues janë mes risive në listën e kombëtares braziliane për miqësoret e këtij muaj. Trajneri i Selesaos ka surprizuar jo pak me emrat që do ti besojë për sfidat ndaj Rusisë dhe Gjermanisë këtë muaj.

Sulmuesi i real Sociedad Uillian Zhoze dhe mesfushori i Beshiktashit, Anderson Taliska fituan besimin e seleksionerit Tite, ndërsa zgjerohet edhe armata e kandidaturave për të qenë në botërorin e kësaj vere.

“Uillian Zhoze’ dhe Taliska sjellin në skuadrën tonë kualitet të ndryshëm, sidomos në finalizim dhe në topat në ajër me avantazhin ndaj mbrojtësve” tha trajneri i kombëtares karioka.

Përfshirja e portierit të Valencias, Neto, si dhe kapiteni 32 vjeçar i Gremios Pedro Geromel, ishin gjithashtu emra që nuk priteshin në listën e Brazilit. i pari mungon prej 8 vjetësh në kombëtare ndërsa Geromel ka luajtur vetëm një ndeshje për bamirësi, atë për viktimat e tragjedisë ajrore të Shapekoense.

Brazili ka dy sfida vërtet speciale këtë muaj. Ekipi karioka luan në Moskë ndaj organizatores së botërorit, Rusisë mbrëmjen e 23 Marsit ndërsa më pas përballet me kampionen në fuqi të botës, Gjermaninë, në Olimpiashtadion të Berlinit 4 ditë më vonë.

Selesao në botëror do të ketë premierën në 17 qershor ndaj Zvicrës, para se të luajë me Kosta Rikën dhe Serbinë.

Sot mund të lexoni Shfletoni kopertinat
Sondazh
test