Futbollisti Migjen Basha, njëherësh kapiten i skuadrës së Barit në Serie B italiane, është optimist para ndeshjes me Pro Vercellin me 10 mars (15.00). “Pavarësisht se duket një kundërshtar i lehtë në letër, Pro Vercelli duhet marrë seriozisht, pasi vjen pas gjashtë ndeshjesh pa humbur dhe pëson pak”, tha Basha.
Në fund bën edhe pak shaka me sulmuesit e skuadrës së tij: “Ndonjëherë qesh me ta sepse unë kam shënuar 2 herë ndërsa disa prej tyre vetëm një gol. Megjithatë, s’është qëllim parësor për mua, pasi nuk do të shkoj te Reali apo Barcelona. E rëndësishme është që të bëjmë të mundur që sulmuesit të dalin së më shpesh para porte”.