Paul Pogba pritet të mos jetë pjesë e formacionit të Manchester United për ndeshjen e sotme ndaj Sevilla-s – duke ndezur edhe njëherë zërat rreth largimit të tij.
Blerja rekord e klubit të United pritej të rikthehej menjëherë në formacionin e Jose Mourinho-s pasi humbi ndeshjen e së shtunës ndaj Huddersfield në FA Cup.
Por mësohet se Pogba do të ulet në stol për ndeshjen ndaj Sevilla-s, me Mourinho-n që ka vendosur të aktivizojë dikë tjetër në rolin e tij.
Burimet pranë United kanë bërë të mendohet se Mourinho është gati të fusë në fushë të riun McTominay pikërisht në vend të francezit.
Lënia jashtë e Pogba do ndezë edhe njëherë zërat për një largim të mundshëm nga Old Trafford.
Megjithëse Pogba ndeshjen e fundit mungoi me pretendimin se ishte i sëmurë, por nëse do të mungonte edhe ndeshjen e radhës atëherë pikëpyetjet do të jenë të shumta, dhe me siguri Mourinho do t’i përgjigjet në fund të ndeshjes me Sevilla-n.