Mohamed Salah është transferimi më i mirë i këtij sezoni.
Anësori egjiptian po magjeps me paraqitjet e tij te skuadra e Liverpoolit, duke u shndërruar në një idhull për tifozët e kësaj skuadre.
Tifozët e Liverpoolit, tashmë yllit të tyre të skuadrës i kanë kushtuar edhe një këngë, përmes së cilës i premtojnë se edhe do bëhen mysliman nëse ai vazhdon të shënojë gola.
“Nëse ai është i mirë për ty, është i mirë edhe për mua. Nëse i jep edhe disa gola, do të bëhem edhe unë mysliman. Nëse ai është i mirë për ty, është i mirë edhe për mua. Nëse ai rri në xhami, aty dua të jem dhe unë”, thuhet në këngën e tyre.
Salah është futur në mesin e pak lojtarë që ka arritur të shënojë 30 gola në një sezon.
