Trajneri i Brazilit, Tite, ka filluar të kompletojë listën me lojtarët që do t’i ftojë në Kampionatin Botëror ‘Rusia 2018’.
Edhe pse duhet pritur katër muaj deri në fillimin e Kampionatit Botëror, trajneri i Brazilit, Tite, është i sigurt në 15 lojtarët që do t’i ftojë.
Nëse nuk preken nga lëndimet këta lojtarë në pjesën e mbetur të sezonit, do ta kenë të sigurt një vend në botërorin e Rusisë.
Trajneri Tite për mediet në Brazil tashmë ka thënë emrat e këtyre 15 futbollistëve.
Alisson, Dani Alves, Marquinhos, Miranda, Marcelo, Casemiro, Renato Augusto, Paulinho, Coutinho, Neymar, Gabriel Jezusi, Roberto Firmino, Thiago Silva, Fernandinho dhe Willian, janë emrat e përmendur nga trajneri Tite.
