101 gola me fanellën e Los Blancos, Ronaldo u bë futbollisti i parë në histori që ka arritur shifër treshifrore për sa u përket golave.
Cristiano Ronaldo vendosi një rekord të ri në Ligën e Kampioneve dhe këtë e bëri në ndeshjen kundër Paris Saint Germain, në fitoren 3-1 të Real Madridit.
Portugezi arriti në kuotën e 101 golave në 8 sezone e gjysmë me skuadrën madrilene, shifër së cilës, po t’i shtosh edhe 15 golat e shënuar me Manchester United, e çon në 116 kuotën e golave të Ronaldos në kompeticionin më të rëndësishëm evropian për klube.
Për më tepër, Ronaldo bëhet i vetmi futbollist për momentin që ka arritur në statistika treshifrore për sa u përket golave të shënuar në Ligën e Kampioneve me të njëjtën skuadër, duke lënë prapa Lionel Messin me 97 gola, që do të kërkojë të shënojë sa më shumë kundër Chelseat javën e ardhshme.
Por, jo vetëm kaq. Me dygolëshin ndaj parisienëve, Ronaldo e çon në 7 numrin e ndeshjeve radhazi ku ai ka mundur të shënojë gol, për të shkuar në 11 gola në këtë sezon, me një mesatare 1 gol çdo 57 minuta për të thyer rekordin e mëparshëm të Burak Yilmaz me Galatasaray, në sezonin 2012/2013.
Gjithashtu, ky është sezoni i shtatë që Ronaldo shënon së paku 10 gola, një tjetër rekord pasi këtë nuk e ka arritur asnjë lojtarë më shumë se dy sezone me radhë, madje as Lionel Messi.
Messi ka shënuar katër herë më shumë se 10 gola në një edicion në Champions. 12 gola në vitin 2011, 14 gola, që është rekord personal në vitin 2012, 10 gola në vitin 2015 dhe 11 gola sezonin që lamë pas. Kurse këtë edicion regjistron tre gola, shifra këto që mund të ndryshojnë nga çasti në çast për një lojtar si Lionel Messi.
Ronaldo shënon mbi 10 gola për shtatë sezone me radhë...
2011/12 – 10 gola
2012/13 – 12 gola
2013/14 – 17 gola (rekord historik)
2014/15 – 10 gola
2015/16 – 16 gola
2016/17 – 12 gola
2017/18 – 11 gola dhe vazhdon....