Feronikeli dhuron spektakël në miqësoren e zhvilluar me OFK Gerbalj nga Mali i Zi. Ne ndeshjen kontrolluese të zhvilluar, Feronikeli mposhti me rezultat të thellë ekipin malazez, OFK Gerbalj.
Ndeshja përfundoi me rezultat 8:3.
Në këtë takim, lojtarët treguan formën e tyre më të mirë, gjë që ndikoi drejtpërdrejt edhe në rezultatin përfundimtar.
Golashënuesit e Feronikelit në këtë ndeshje ishin: Mark Milicaj në minutën e 13’, Ben Hamed Kone në minutën e 37’, për t’u pasuar më pas me golin e Mendurim Hotit në minutën e 45’.
Me këtë rezultat u mbyll pjesa e parë e lojës, për të vazhduar me spektaklin e golave në pjesën e dytë, që filloi me golat e Granit Arifajt, të shënuara në minutën e 51’ dhe në atë të 61’, kurse ndeshjen me dy gola e përmbylli edhe Lauren Ismajlaj, i cili shënoi në minutat 56’ dhe 73’.
Golin e fundit në ndeshje e dhuroi Lulzim Doshlaku në minutën e 87’, bëhet e ditur nga Feronikeli.
