“Arsene është një trajner më i dashur, kurse Mourinho shumë i rreptë”, Mkhitaryan tregoi dallimin mes trajnerit francez dhe atij portugez.
Një nga lëvizjet më të spikatura në afatin kalimtar të muajit janar ishte kalimi i Henrikh Mkhitaryan te Arsenali.
Sulmuesi armen kaloi te “Topçinjtë” e Londrës si shkëmbim me Alexis Sanchez dhe duket se është përshtatur shumë shpejt me skuadrën e tij të re.
Mjaftuan vetëm pak ditë për Mkhitaryan për të shpjeguar edhe ndryshimet mes Arsene Wenger dhe Jose Mourinho, duke theksuar se francezi i trajton më mirë futbollistët e tij.
“Arsene është një trajner më i dashur. Të kupton shumë mirë dhe e vendos veten e tij në vendin e lojtarëve. Është një person më i qetë. Ky është ndryshimi me Murinhon që kërkon shumë nga lojtarët. Ai është shumë i rreptë”, tha armeni.
Henrikh Mkhitayan u transferua te Manchester United në vitin 2016 si një nga më premtuesit e Premier League, por në muajt e fundit ai pa të humbiste vendin në formacionin bazë të Manchester United.
Megjithatë, Miki u largua krenar nga “Old Trafford” dhe këtë e thotë ai vetë.
“Kam lënë përshtypje të mira në Mançester, edhe pse hasa në vështirësi. Fituam 3 tituj në një vit e gjysmë dhe jo të gjithë klubet e arrijnë këtë. Fituam në Europa League dhe unë shënova një nga golat”, deklaroi Mkhitaryan.
29 vjeçari u transferua në “Old Trafford” në vitin 2016 nga Borussia Dortmundi, duke bërë 63 paraqitje për Djajtë e Kuq në të gjitha garat, teksa ka realizuar edhe 13 gola.