Ikja e papritur e penës së spikatur të gazetarisë, Agim Binaku, ka prekur thellë mbarë opinionin jo vetëm sportiv! Gjyqtari i mirënjohur i futbollit, Bekim Zogaj, kujton disa momente interesante me Binakun. Ai ka ilustruar një foto prekëse, kur Binaku ishte gëzuar shumë për pranimin e FFK-së në UEFA, duke u shkrehur në vaj nga gëzimi.
“Mora lajmin me pikëllim te thellë për vdekjen e gazetarit tonë të dashur Agim Binakut. Një humbje e madhe për familjen e tij dhe krejt sportin kosovar. Ngushllime te gjithëve!”, shkruan Zogaj, njëhersh gjyqtar në elitën e futbollit zviceran dhe drejton ndeshjet ndërkombëtare.
