Pronari i Chelseat, Roman Abramovich, ëndërron ta bëjë Maurizio Sarrin e Napolit trajner të klubit londinez, sipas agjentit të Gianfranco Zolas.
Është raportuar se Sarri dhe Zola do ta formojnë ekipin e ëndrrave në Chelsea, në të cilin trajneri aktual i Napolit do ta zëvendësonte Antonio Conten, ndërsa legjenda e të kaltërve do të punonte si drejtor sportiv.
“Chelsea janë në mesin e klubeve që do ta kërkojnë Sarrin”, ka thënë Fulvio Marrucco për Radio Crc kur u pyet për mundësinë që Sarri ta marrë drejtimin e Chelseat.
“Lajmet sugjerojnë se Zola do të jetë drejtor sportiv, një rol në të cilin është vështirë të adaptohesh në Angli. Sarri si trajner do të ishte ëndërr e Abramovichit”, ka thënë ai.