"Është e mundshme që të luajë kundër Schalkes. Ai patjetër do të jetë në skuadër".
Futbollisti Rashica do të debutojë për Werder Bremen këtë të shtunën kundër Schalke 04.
21 vjeçari i Përfaqësueses së Kosovës, Milot Rashica, vetëm pak ditë më parë u transferua te Werder Bremen nga Vitesse për 9 milionë euro, por ai mund të zbresë titullar kundër Schalkes të shtunën.
Lajmi është konfirmuar nga trajneri, Florian Kohfeldt – i cili beson se talenti kosovar është i përgatitur mjaftueshëm për të debutuar me klubin gjerman.
“Miloti është lojtar që mund të na ndihmoj shumë. Ai ka kualitete të shkëlqyera”.
“Është e mundshme që të luajë kundër Schalkes. Ai patjetër do të jetë në skuadër”, tha trajneri i Werder Bremen.
