Sulmuesi boshnjak është kërkuar me ngulm nga Chelsea.
Ishte shumë pranë kalimit te Chelsea por në fund marrëveshja u prish dhe Edin Dzeko qëndroi te Roma.
Megjithatë, sulmuesi boshnjak nuk bëhet aspak pishman që nuk iu bashkua skuadrës së Antonio Contes pasi ai është i lumtur te Roma. Në një intervistë 31-vjeçari ballkanas theksoi se Roma është pjesë e jetës së tij dhe gjithmonë do të jetë.
“Më erdhi mirë për interesimin e Chelsea-it, pasi bëhet fjalë për një klub të rëndësishëm dhe që e vlerësoj shumë, por dëshira ime ishte të qëndroja te Roma”, theksoi sulmuesi boshnjak.
Dzeko i është bashkuar Romës në vitin 2015 nga Manchester City.
