Drejtori sportiv i klubit të futbollit Drenica nga Skenderaj, Tahir Lushtaku, konfirmoi për gazetën kombëtare “Bota sot”, se Sadat Pajaziti është në krye të skuadrës.
“Pajaziti zyrtarisht është trajneri i KF Drenicës dhe ka arritur marrëveshje për 18 muaj”, tha Lushtaku. Si e sheh Drenicën me Pajazitin?
“Sa i përket emërimit të Pajazitit trajner në klubin tonë, besoj që veç edhe i përshtatet filozofisë së klubit në të gjitha aspektet”, përgjigjet Lushtaku. Pajaziti së fundi ka qenë trajner i KF KEK-ut dhe u stolisen me titullin e kampionit vjeshtor në Ligën e Parë të Kosovës.