“Do të kemi nevojë për më shumë pikë këtë sezon dhe duhet të ballafaqohemi me këto ndeshje me mentalitetin dhe besimin e duhur, ngjashëm siç bëmë sot”.
Trajneri i Interit, Luciano Spalletti, i ka mbrojtur djelmoshat e tij në konferencë për media pas barazimit 0-0 të Interit ndaj Lazios, të shtunën në mbrëmje.
Ai ka theksuar se skuadra e tij luajti me mentalitetin e duhur në këtë ndeshje.
Të dy skuadrat patën shanse në “Giuseppe Meazza”, edhe pse mysafirët mbase patën mundësi më të mira shënimi.
“Do të kemi nevojë për më shumë pikë këtë sezon dhe duhet të ballafaqohemi me këto ndeshje me mentalitetin dhe besimin e duhur, ngjashëm siç bëmë sot”, tha Spalletti.
