Në mesjavë të gjithë mbetën të befasuar nga barazimi i Sevilla-s në Champions League pasi ishte duke humbur 0-3 në pjesën e parë ndaj Liverpool, por Dortmund- Schalke dhuroi një rezultat edhe më të pabesueshëm.
Dortmundi e nisi ndeshjen në mënyrë të shkëlqyer, ku brenda 25 minutave të para e pa veten në avantazhin e 4 golave. Pjesa e parë u mbyll me këtë rezultat, por 45 minutat e dyta ishin një histori krejtësisht tjetër.
Vendasit ndoshta e menduan të mbyllur këtë sfidë, por nuk rezultoi kështu. Lojtarët e Schalke-s gjetën forca dhe shënuan 2 gola të shpëjtë në minutat 61 dhe 65. Miqtë shënuan edhe golin e tretë 4 minuta para përfundimit të kohës së rregullt, por nuk përfundoi këtu.
Ishte minuta e 94 dhe Naldo shënon edhe golin e katërt dhe të barazimit, duke i befasuar të gjithë në stadium, por jo vetëm.
