Klubi i futbollit Drenica nga Skenderaj (femrat) është ndihmuar nga bashkëatdhetarja Elfije Jashari. Një ndihmë e mirëseardhur për klubin drenicas që ka ambicie të mëdha në Ligën e Kosovës. Klubi ka trajner Fisnik Lushtakun, njëherësh është edhe themelues i këtij kolektivit.
“Bashkatdhetarja nga Drenica Elfije Jashari është nga prekazi legjendar, por që jeton dhe vepron në Australinë e largët, ndihmon KFF Drenicën me një donacion, duke i pajisur me tuta sportive. KFF Drenica, ekip i formuar sivjet, bën gara në ligën Kosovës në të dyja konkurrencat (seniore dhe për grupmoshat U-16. Në emër të KFF Drenica dhe te gjitha vajzave, e falënderojmë përzemërsisht znj. Elfie Jashari”, thotë Lushtaku për gazetën kombëtare “Bota sot”.
