Shmanget tragjedia në futboll, bombë pranë ‘yjeve’ të PSG-së. Në Paris është parandaluar një tragjedi që mund të kishte pasoja të mëdha në botën e futbollit.
Ditën e shtunë terroristët islamikë kishin përgatitur një komplot bombe në stadiumin “Parc des Princes” të Parisit, shkruan tabloidi britanik “The SUN”. Lajmi është konfirmuar ditën e sotme nga policia franceze e cila ka gjetur një paisje shpërthyese pranë stadiumit ku do luhej ndeshja mes Paris Saint-Germain dhe Bordeaux.
“Pajisja, e përbërë nga katër cilindra gazi të mbuluar me benzinë u gjetën në afërsi të stadiumit të “Parc des Princes”, vetëm disa orë përpara ndeshjes”, thuhet në reagimin e policisë franceze. Pesë persona janë arrestuar, përfshirë një ekstremist të njohur islamik.
