Derbi i javës së dytë në elitën e futbollit, pa dyshim se do të zhvillohet nesër (16.30) në stadiumin e Flamurtarit në Prishtinë, ndërmjet Flamurtarit dhe Prishtinës. Derbi i kryeqytetit pritet me padurim nga dashamirët e kësaj loje më të popullarizuar, ndërsa Prishtina konsiderohet si favoritë në bazë të cilësive që ka. Kapiteni i Flamurtarit, Fidan Hasani, me qetësi e pet ballafaqimin dhe shpreson se do të dalin me rezultat të favorshëm. “Përparësitë janë në anën e Prishtinës, kurse ne do të mundohemi të jemi grup i bashkuar dhe t’ia prishim planet rivalit, kështu që pikët të mbesin në Flamurtar. Për ne çdo rezultat pozitiv është i mirëseardhur”, tha Hasani për gazetën kombëtare “Bota sot”. Sipas Hasanit, edhe një pikë është shumë me rendësi, kur kihet parasysh se ballafaqohen me një skuadër shumë të fortë.