Trajneri i Juventusit nuk e ka ndërmend ta largojë mbrojtësin brazilian.
Chelsea këmbëngul për Alex Sandron, por Juventusi nuk ka ndërmend ta shesë brazilianin.
Trajneri i bardhe-zinjve, Massimilliano Allegri tregohet i qartë teksa flet për të ardhmen e mbrojtësit. Ai tha se 26-vjeçari dëshiron të qëndrojë dhe klubi i ka refuzuar të gjitha ofertat në drejtim të tij.
“Kam folur me Sandron dhe ai më ka thënë që nuk dëshiron të largohet dhe se e do vetëm Juventusin”, u ka thënë Allegri gazetarëve.
Chelsea ka ofruar 70 milionë euro për ish-futbollistin e Portos.