Kampionët e Italisë janë në kërkim të një mbrojtësi.
Pas largimit të Dani Alves, Juventusi kërkon që ta gjejë një zëvendësues për të në krahun e djathtë të mbrojtjes.
Ideja më e re është Joao Cancelo i Valencias, për të cilin ‘Zonja e Vjetër’, është e gatshme të ofrojë para plus një futbollist në shkëmbim.
Sipas FootballItalia, Juve ofron Mario Leminan dhe 17 milionë euro për mbrojtësin portugez.
Juventusi shpreson që oferta e tyre të pranohet duke parë edhe marrëdhëniet e mira që kanë me Valencian, pas shitjeve që kanë bërë të Simone Zazas dhe portierit Neto.
