Arsene Wenger ka bërë të ditur se shumë shpejtë do të mësohet e ardhmja e tij.
Trajneri francez ka gëzuar një tjetër sukses me Arsenalin, duke e fituar FA Cup, ku në finale mposhtën Chelsean 2:1.
Pas ndeshjes, Wenger ka deklaruar se javën e ardhshme do të dihet e ardhmja e tij.
“Ne kemi një takim me bordin të martën, dhe të mërkurën apo të enjten, çdo gjë do të bëhet e qartë për të ardhmen time”, ka deklaruar Wenger për ‘BBC’ pas ndeshjes.
Kujtojmë se Wenger përgjatë këtij sezoni ka kaluar në një presion të madh, ku është kërkuar largimi i tij nga tifozët e Arsenalit në pothuajse çdo ndeshje.
