Në fundjavë Bajerni i Mynihut mori një fitore të rëndësishme 6-0 kundër Augsburgut e cila pritet t’i kushtojë shtrenjtë skuadrës të drejtuar nga Carlo Ancelotti.
Thomas Muller shënoi dy gola por pësoi një lëndim që fillimisht ishte i papërfillshëm ndërsa tashmë pas ekzaminimeve mjekësore gjithçka nuk dukej aq e lehtë sa në fillim.
Muller nuk është grumbulluar në stërvitjen e sotme dhe lëndimi pritet të jetë më serioz duke ngritur pikëpyetjet për përballjen e 12 prillit kundër Real Madridit të vlefshme për Champions League.
Kujtojmë që edhe Neuer është në dyshim për këtë ndeshje pasi rreth 1 javë më parë i është nënshtruar një operacioni.